Isira’yili Na Dauvakadrecike (Isra’yl Was Arrogant)

Thought: Through Disobedience, They Forgot Yahweh.

 .....................

Serving For Shabbat, Chesvan 8, 5772

NA vosa i Yahuwe (YHWH) a qai yaco mai vei au e kaya, 2 Luve ni tamata, o bula tiko e na kedra maliwa e dua na vale dau talaidredre, e tiko na matadra me ra rai kina, ia era sega ni rai rawa, e tiko na daligadra me ra rogo kina, ia era sega ga ni rogo rawa; baleta ga ni matavuvale  dau talatalaidredre. 3 O koya oqo, Luve ni tamata, mo vakarautaki iko kina e na veika e gadrevi e na veivakabobulataki; qai lako i na veivakabobulataki, e na loma ni siga ni ra rai tu; lako mai na nomu  vanua i na dua tale na vanua me rawa ni ra raica baleta o ira era dua na vale dau vakadrecike. 4 Mo na kauta mai na nomu iyaya e na loma ni siga ni ra rai tu, me vaka era iyaya gadrevi vei ira na bobula: ia mo lako yani e na yakavi me vakataki ira na bobula. 5 Basuka e dua na qara me basikata na bailalaga ni ra rai tu; qai curu kina.  6 Colata na iyaya e na usouso ni tabamu, qai lako yani e na butobuto; mo ubia tiko na matamu, mo kakua ni raica na buturara; baleta au sa qisi i iko mo ivakatakilakila vei ira na vale nei Isira'yili. 7 Au qai vakayacora me vaka e vakarota vei au o koya, au colata mai na noqu iyaya e loma ni siga me vaka e dua e colata tiko na nona iyaya i na veivakabobulataki, ia e na yakavi au qai basuka e dua na qara basikata na bailalaga, au qai lako yani e na butobuto kau colata tiko yani e na usouso ni tabaqu na noqu iyaya ni ra rai tu. 8 A qai yaco mai vei au na vosa i Yahuwe (YHWH) e na kena mataka, ni kaya, 9 Luve ni tamata, ke ra mani tarogi iko o ira na lewe ni vale vakadrecike i Isira'yili, Na cava o cakava tiko? 10 Kaya vei Ira, Qo na ka e kaya o Yahuwe na Sau (Sovereign YHWH); Me vaka oqo, na ravouvou e na colata na iyaya vakaoqo e loma i Yerushalayimi, kei ira kece na lewe ni vale i Isira'yili vata kei koya. 11 Kaya vei ira, O au, au ivakatakilakila vei kemuni: me vaka sara ga na ka au cakava, e na caka vaka kina vei kemuni: o kemuni oni na kau vakabobula. 12 Ia na iliuliu e tiko e na kemuni maliwa e na colata na nona iyaya e na usouso ni tabana, e na qai lako yani e na butobuto, e na lai basuka e dua na qara e na bailalaga me na curu kina: e na ubia na matana me kakua ni raica na dela ni qele o koya. 13 Au na dedeka na noqu lawa e delana o koya, e na qai tacori kina o koya; au na qai kauti koya mai i Bavela i na nodra vanua na Kasidimi; ia o koya e na sega ni raica na vanua, ia o koya e na qai mate mai keya. 14 Au na kaburaka e na veimatanicagi na ka kece me baleti koya me vukei koya ka me soli vua na kaukaua; ia au na qai ucuna na seleiwau me muri i ira. 15  Era na qai kila ni o au o Yahuwe  (YHWH) niu sa kaburaki ira i na veimatanitu ka veibiuyaki ira i na veivanua. 16 Ia au na vakavotaka e vica vei ira na nodra tagane mai na seleiwau, mai na dausiga, mai na mate dewa; me ra na qai tukuna na nodra ivalavala vakasisila o ira vei ira na kai Veimatanitu tani e na veivanua era lako kina; me ra na qai kila ni o au Yahuwe (YHWH).

Isikeli (Yechezk’yl) 12:1-16

Na vatu e bibi, na nuku talega e rawa ni bibi; ia na nona leva na lialia e bibi cake vei rau ruarua.

Vosa Vakaibalebale (Mishlei) 27:3

A vakamatei ira kece na nodra ulumatua mai Ijipita o koya. 37 A kauti ira tani talega mai ni ra sa katoa tu e na siliva kei na koula; e sega tale ni dua na nona tamata, me malumalumu e na kedra maliwa na nodra veimataqali. 38 O Ijipita taucoko a mamarau ni ra sa biubiu mai; baleta a sa kovuti ira tu na nodra domobulataki ira. 39 E dedeka na o me vakarurugi ira, kei na bukawaqa me vakararamataki ira e na bogi. 40 Na tamata era a kerekere, qai kauta mai vei ira na toa ni veikau (quail) ka vakamamautaki ira e na madrai ni lomalagi. 41 A voroka na uluvatu o koya, qai coka mai kina na wai; e a drodro na wai i na veivanua dravuisioga; 42 Baleta a nanuma o koya na nona yalayala tabu vei Avarahama na nona dauniveiqaravi. 43 E a kauti ira yani na nona tamata e na reki, kei ira na nona cauravou e na mamarau; 44 Qai solia vei ira na kedra qele na veimatanitu; era qai taukena na nodra cakacaka na tamata me nodra iwasewase 45 Me ra na bula muria na nona ivakaro, ka taqomaka na nona lawa. Vakamuduo vei Yahuwe (YHWH).

Same (Tehellim) 105:36-45

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
309/Blog No. 1449	November 5, 2011.
Reading	Hebrew Date
Jeremaia (Yiremeyahu) 40-42	Cheshvan 8, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.