Thoughts: Be Safe, Be Righteous With YHWH Always.
Serving For Yom
Reeshone, Chesvan 9, 5772
Na
vosa i Yahuwe (YHWH) a qai yaco tale mai vei au, ni kaya, 13 Luve ni tamata, ke dua na vanua e
valavala ca vei au, me vakayacora na itovo vakasisila e mataqu; O au, au na
dodoka yani na ligaqu meu saqata, na nona witi; au na tala yani me kovuta e dua
na lauqa, au na qai vakarusa na tamata kei na manumanu mai keya; 14 E
dina ga ni ratou a tiko e na vanua o ratou na tamata tolutolu qo, o Noaka, o
Dani'yili vata kei Iyove, e ratou na vueta ga na nodratou dui bula o ratou vakataki
iratou, e na nodratou yalododonu, e kaya o Yahuwe na Sau (Sovereign YHWH). 15
Ia kevaka au tala yani na manumanu kila niu saqata na vanua, era na qai
vakacacana, me yacova ni sa lala vakadua, me kakua ni dua na tamata e takosova,
baleti ira na manumanu kila; 16 E dina ga ni ratou tiko kina o ratou na
tamata tolutolu qo, me vaka niu bula tiko, e kaya o Yahuwe na Sau (Sovereign
YHWH), eratou na sega ni vueta rawa na luvedratou tagane se luvedratou yalewa;
o ratou ga vakataki ratou, ratou na vueti, ia na vanua e na biu laladidi tu ga.
17 Kevaka au kauta mai e dua na seleiwau i loma ni vanua,
au qai kaya, Seleiwau, lako, botea na vanua, qai vakarusa na tamata kei na
manumanu kila mai keya; 18 E dina ga ke ratou tiko mai keya o ratou na
le tolu qo; me vaka niu bula tiko, e kaya o Yahuwe na Sau (Sovereign YHWH )
eratou na sega ni vueta rawa e dua na luvedratou tagane se luvedratou yalewa, o
ratou ga vakataki ratou, ratou na vueti.19 Se meu vakauta yani e dua na
matedewa i loma ni vanua, au qai sovaraka na noqu cudru katakata e loma me dave
ni dra, meu vakarusa mai loma na tamata kei na manumanu; 20 E dina ga ke ratou tiko kina o Noaka, o
Dani'yili kei Iyove, me vaka niu bula tiko, e kaya o Yahuwe na Sau (Sovereign
YHWH), eratou na sega ni vueta e dua na luvedratou tagane se dua na luvedratou
yalewa; ia ratou na vueta ga na nodratou bula o ratou vakataki ratou, e na
nodratou dui yalododonu. 21 Baleta qo na ka e kaya o Yahuwe na Sau
(Sovereign YHWH); Kevaka mada ga meu vakayacora vei Yerusalayimi na noqu lewa
taumosi e va; na seleiwau, na lauqa, na manumanu kila kei na matedewa me
vakarusai ira na tamata kei na manumanu mai keya; 22 Ia era na vo tiko
ga mai loma o ira era na vueti, o ira era na kunekunetaki ira na luvedra tagane
kei na luvedra yalewa; o ira qori era na lako yani vei kemuni, oni na qai raica
na itovo kei na nodra ivalavala; oni na qai loma vakacegu me baleta na veika ca
au na kauta mai i Yerusalayimi, bau kina na veika kecekece au sa vakayacora oti
mai keya. 23 Era na qai vakacegui kemuni, ni oni raica na nodra itovo
kei na nodra ivalavala; oni na qai kila niu a sega ni cakava tu vakaveitalia,
na veika kece au a cakava, e kaya o Yahuwe na Sau (Sovereign YHWH).
Na
leva cecekia e veivakalolomataki; na cudrucudru e sakasakavakatani, ia o cei e
rawa ni vorata na dauvuvu? 5 Na veivunauci laurai levu, e vinaka cake mai na
veitokani veivakacalai. 6 E vinaka cake na mavoa e vakavuna e dua na itokani,
mai na nona iregu e dua na meca.
Vakavinavinaka vei Yahuwe (YHWH). Dau soli
vakamolimoli vei Yahuwe (YHWH) baleta o koya e vinaka; na nona yalololoma e na
tudei me tawamudu. 2 O cei e rawa ni vakayatuyatutaka na vakaitamera ni
cakacaka i Yahuwe (YHWH)? O cei e rawa
ni vakaraitaka na vakavinavinaka e veiraurau kei Koya? 3 Era kalougata o ira era muria na nona lewa,
kei ira era cakava tu ga na ka e dodonu e veigauna kece sara. 4 Nanumi keimami
i Yahuwe (YHWH) e na veikauwaitaki oni dau tokoni ira kina na nomuni tamata;
Sikovi keimami vata kei na nomuni veivueti. 5 Me rawa ni keimami raica na nodra
vinaka o ira na nomuni digitaki, me keimami rawa ni mamarau e na nomuni reki,
ka vakalagilagitaki e na nomuni ivotavota.
6
¶ Keimami valavala ca vata kei ira na tama i keimami, keimami vakayacora na
ivalavala tawa kilikili ka keimami cakava na itovo vakasisila. 7 O ira na tama
i keimami era sega ni kila na nomuni cakacaka veivakurabuitaki mai Ijipita, era
sega ni nanuma na ilevu ni nomuni dau yalololoma, era qai vakacudrui koya mai
na wasawasa, io mai na Wasawasa o Sufa (Sea of Suf). 8 Ia qai vueti ira ga o
koya e na vuku ni yacana, me rawa ni cakava me vakarogoi na vakaitamera ni Nona
kaukaua. 9 E a vosataka talega na Wasawasa o Sufa a qai mamaca vakadua; qori a
qai tuberi ira kina e na vanua titobu me vaka ni tuberi ira e na loma ni
veikauloa.10 E a vakabulai ira mai ligana na kedra meca; ka sereki ira mai
ligana o koya e dau veivakararawataki. 11 Na wai a luvuci ira vakadua na kedra
meca; a sega ni dua tale vei ira e vo.12 Era sa qai vakabauta na nona vosa; ka
lagata na nona vakamolimolitaki.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
310/Blog
No. 1450
|
November
6, 2011.
|
|
Reading
|
Hebrew Date
|
|
Cheshvan
9, 5772
|
|
|
Click
The Bible Text To Read It In Gateway In Another Language Or Version
|
|
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.
No comments:
Post a Comment