O Ira Na Kawa I Livai (The L’vi’im)

Thought: L’vi’im Serve YHWH Because They Are Set-Apart

 ..............

Serving For Yom HaShishi Adar 22, 5772

MAI NA TORAA (FROM THE TORAH)

5 Vosa o Yahuwe (YHWH) vei Moshe ni kaya, Kauti ira na Li'vi'imi mai na kedra maliwa na luve i Yisira'yili, mo vakasavasavataki ira. 7 Oqo na veika mo na cakava vei ira  mo vakasavasavataki ira kina; vakamiraka vei ira na wai ni veivakasavasavataki, laivi ira me ra toroya na yagodra taucoko, qai laivi ira me ra savata na nodra isulu, qori era na vakasavasavataki ira kina. 8 Oti qai laivi ira me ra taura mai e dua na bulumakau tagane gone, vata kei na kena isoro laukana, oya me dua na na dari na falawa matailalai, waki vata kei na waiwai, kei na dua tale na bulumakau tagane gone me cabori vaka isoro ni ivalavala ca. 9 O iko mo qai kauti ira mai na Li'vi'imi i na mata ni valelaca ni veitavaki; oti mo qai vakasoqoni ira vata na nodra  isoqosoqo taucoko na luve i Yisira'yili: 10 Oti mo qai kauti ira na Li'vi'imi vei  ira na luve i Yisira'yili taucoko me ra lai tu e na mata i Yahuwe (YHWH); o ira na luve i Yisira'yili me ra qai tabaka na ligadra vei ira na Li'vi'imi; 11 O Aharoni me qai cabori ira na  Li'vi'imi e na mata i Yahuwe (YHWH), me ra dua na isolisolo mai vei ira na luve i Yisira'yili, me ra sa na dau qarava na cakacaka i Yahuwe (YHWH), 12 Ia o ira na Li'vi'imi me ra qai vakotora na ligadra e uludrau na bulumakau tagane, ia o iko mo qai cabora e dua me isoro ni valavala ca, kei na kena kadua me isorokama vei Yahuwe (YHWH), ka  me cabori e dua na bulubulu e na vukudra na Li'vi'imi. 13 O iko mo cakava me ra mai duri na Li'vi'imi e na mata i Aharoni, kei na matadrau na luvena, eratou qai cabori ira me ra dua na isolisoli vei Yahuwe (YHWH), 14 E na kena ivalavala oqo, o sa na biuti ira kina vakatikitiki na Li'vi'imi mai na kedra maliwa na luve i Yisira'yili; o ira na Li'vi'imi, era sa na qai noqu.

Mai Lekutu (B’midbar) 8:5-14 

NA IVAQA NI BULA (FOOD FOR THE SOUL)

O ira na tamata e sega na nodra iliuliu era na lutu; ia e na ilevu ni ivakasala e kune kina na veivueti.

Vosa Vakaibalebale (Mishlei) 11:14 

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. E na ilagalaga ni Kakua ni Vakarusa (Do not destroy). Maivei Dawide, Na nona vakabauta vuni (Mikhtam) e na gauna a talai ira mai kina na tamata o Sha’ula me ra mai yadrava na nona vale, me ra qai vakamatei i koya. 2(1) Vueti au mai vei ira na kequ meca, kemuni na Kalou (Mighty One), Sabai au maivei ira era tu me ra saqati au. 3(2) Vueti au maivei ira era cakacakataka na ca ka vakabulai au mai vei ira na tamata dauvakadavedra. 4(3) Baleta raica, era waraka tiko na noqu bula, na vere era sa vakalevutaka meu saqati kina; sega baleta niu talatalai dredre se baleta niu valavala ca i Yahuwe (YHWH). 5(4) Era cici me ra lai vakavakarau vakataki ira me ra saqati au, ka sega ni bau vakasamataka se o au, au a cala dina; 6(5) Yadra mai moni vukei au, raica i Yahuwe ni lewevuqa (YHWH Tzva’ot) na Kalou (Mighty One) i Yisira'yili, yadra moni sikovi ira na veimatanitu, kakua ni vakavotaka e dua e dau talatalaidredre ka vakasisila. 7(6) Era lesu mai e na yakavi, era veivakasosataki e na domodra me vaka na koli, era qai veitosoyaki tiko e loma ni korolevu. 8(7) Raica, era karakivosa mai gusudra; na seleiwau e toka e tebenigusudra; Baleta era kaya O cei e bau galeleta?

9(8) ¶ Ia o kemuni, i Yahuwe (YHWH) oni na dredrevaki ira; Oni na cakava na veimatanitu me ra vakalialiai. 10(9) Vei kemuni au na solia na noqu vakamuduo, kemuni na Kalou (Mighty One) baleta o kemuni na noqu isasabai. 11(10) O kemuni na Kalou (Mighty One) e na nomuni yalololoma oni na lako mai vei au, O kemuni na Kalou (Mighty One) oni na vakatara vei au meu raici ira na kequ meca e na qaqa. 12(11) Kakua mada ni vakamatei ira, me ra ivakaraitaki mada vei ira na bula, de ra qai guilecava o ira na noqu tamata; cemuri ira ga e na nomuni kaukaua; ka vakamalumalumutaki ira sobu; i Yahuwe (YHWH) o kemuni na noqu inuinui. 13(12) Baleta na ivalavala ca ni gusudra kei na vosa ni tebenigusudra, laiva me ra kau laivi e na nodra qaciqacia; baleta na veirukaki kei na lasulasu e dau cavuta na gusudra. 14(13) Tilomi ira e na nomuni leva waromisa, tilomi ira, me rawa ni ra oti vakadua, me rawa ni ra kila ni o Yahuwe (YHWH) e vakavulewa tiko vei Ya’akove ka vaka kina e na iyalayala kei vuravura. 15(14) E na yakavi bogi laivi ira me ra lesu mai; laivi ira me ra mai veivakasosataki tiko me vaka na koli, era qai veitosoyaki tiko e loma ni korolevu. 16(15) Laivi ira me ra walokai, ia era qai sega ni vakasinaiti, ka laiva talega me ra veiciciyaki e na bogi baleta ni sega na ka me tawana na ketedra. 17(16) Ia o au, au na seretaka na nomuni kaukaua; io au na seretaka vakadomoilevu na nomuni loloma, e na veimataka: baleta o kemuni oni noqu isasabai ka noqu ivunivuni e na siga ni noqu leqa.  18(17) Vei kemuni na Kalou (Mighty One) au na lagasere, baleta o kemuni na Kalou (Mighty One) ni noqu taqomaki, ka Kalou (Mighty One) ni noqu lomani.

Same (Tehellim) 59:1(0)-18(17) 

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 075 o/o 1535	March 16, 2012
Reading	Hebrew Date
Na iVakarua (D’varim) 28	Adar 22, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.