Na Vatovato I Yahuwe (YHWH’s Curses)

Thought: It Simply Does Not Pay To Turn Our Backs On YHWH

..................... 

Serving For Yom R’vi’i, Iyar 10, 5772

(NB. In Counting Days Toward Shavu’ot (Gr:Pentecost), Today Is Day 25 out of 50)

MAI NA TORAA (FROM THE TORAH

Ia kevaka oni na sega ni galeleta na domo ni vosa i Yahuwe (YHWH) na nomuni Kalou (Mighty One), oni qai sega ni raica moni vakayacora na nona ivakaro (mitzvot) taucoko kei na nona ilesilesi au vakarota tiko vei kemuni e na siga edai; na vatovato (curses)kece oqo e na sobuti kemuni me bikai kemuni. 16 Oni na vatovatotaki e loma ni korolevu, oni na vatovatotaki talega e loma ni nomuni were. 17 E na vatovatotaki na nomuni sova ni madrai kei na nomuni beseni ni balibali falawa. 18 E na vatovatotaki na vua ni yagomuni kei na vuata ni nomuni vanua, na nomuni qeleni bulumakau kei na nomuni qeleni sipi. 19 Oni na vatovatotaki e na gauna oni curu mai kina (i loma), oni na vatovatotaki talega ni oni curu yani (i tuba). 20 O Yahuwe (YHWH) e na vakatala yani vei kemuni na vakaloloma, na veilecayaki kei na veivakacacani, e na veika kece oni vakacakacakataka kina na ligamuni moni cakava, me yacova ni oni sa vakarusai ka vakawabokotaki vakatotolo; baleta na nomuni ivalavala vakasisila, baleta talega ni oni sa vakanadakui au. 21 O Yahuwe (YHWH) e na vakauta tiko yani vei kemuni me kabiti kemuni na mate veitauvi ca, me yacova ni sa tilomi kemuni vakadua mai na vanua oni curuma tiko qo moni lai taukena. 22 O Yahuwe (YHWH) e na mokuti kemuni e na veilecayaki, e na veimate ni kuli, e na matetaka katakata, e na  tubu ni dra (delirium), e na karovisa katakata, e na paralasi, e na iseleiwau, e na cagi todra, kei na milidiu; na vu ni malai; era na muri i kemuni tiko me yacova ni oni sa rusa. 23 Na lomalagi e dela ni ulumuni e na   tautauvata na barasa kei na qele e e rukumuni e na tautauvata kei na kaukamea. 24 O Yahuwe (YHWH) e na cakava na uca ni nomuni veivanua me vaka na pauta kei na kuvu ni qele; mai lomalagi era na tauci kemuni mai, me yacova ni oni sa vakarusai. 25 O Yahuwe (YHWH) e na vakavuna moni mokulaki e matadra na kemuni meca; oni na lako yani e na dua na sala mo ni lai valuti ira, ia oni qai veidroyaki mai matadra e na vitu na sala; oni na  ivakaraitaki ni bula vakaloloma, vei ira na veimatanitu e vuravura. 26 Na yagomuni mate e na kedra kakana na manumanu vakatabana ni macawalala, kei na manumanu kila ni vanua, e sega ni dua e na cemuri ira laivi. 27 O Yahuwe (YHWH) e na mokuti kemuni e na bo ni Ijipita, na sicini, na vukavuka, na milamila, oni qai sega ni vakabulai rawa mai kina. 28 O Yahuwe (YHWH) e na mokuti kemuni moni curumi lialia, mataboko, kei na vuniyalo veilecayaki. 29 Oni na vakayayamo e na sigalevu tutu, me vaka ni ra vakayayamo o ira  na mataboko e na butobuto, oni na sega ni rawaka e na veika oni vakayacora; ia oni na vakasaurarataki ni oni tuiraki laivi, oni na vakararawataki ka vakacacani vakatawadodonu e na nomuni veisiga taucoko, e sega ni dua na tamata me na vueti kemuni. 30 Ni oni sa vosaka e dua na yalewa me watimuni, e dua tale na tagane e na mai kauti koya; oni na tara na nomuni vale, ia oni na sega ni vakaitikotiko kina; oni na tea e dua na veivaivaini, ia oni na sega ni tauca na vuana, moni butuqaqia.

Na iVakarua (D’varim) 28:15-30

NA IVAQA NI BULA (FOOD FOR THE SOUL)

Na tamata e vakaqunaqunataka na cava ga e cakava, e sega ni vaqara na ivakasala, ia na vuku e cakacaka vakarauta. 18 ¶ Na lialia era na taukena me nodra na sesewa, ia na vuku e na veiwaseyaka na vuku. 19 ¶ Na tamata ca era na cuva me ra vakarokorokotaki ira na tamata vinaka; o ira na vakasisila era na kerekere e na nodra matamata na yalododonu.

Vosa Vakaibalebale (Mishlei) 14:17-19

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. Vakavinavinaka vei Yahuwe (YHWH), noqu bula (soul); vakavinavinakataka na yacana tabu. 2 Vakavinavinakataki Yahuwe (YHWH) noqu bula, kakua ni guilecava na veika vivinaka e soli mai vua, 3 O koya e sa vosota na nomu ivalavala ca, ka vakabulai iko mai na kemu mate veitauvi kecekece; 4 O koya e vueta na nomu bula mai na rusa; o koya e vakaisalataki iko e na nona yalovinaka kei na yalololoma tau malumu, 5 O koya vakamamautaka na gusumu e na veika vinaka, me vakavoutaki kina na nomu itabagone me vaka na ikeli.

6 ¶ O Yahuwe (YHWH) e vakayacora na veika dodonu, kei na lewa dodonu vei ira kece era dau vakasaurarataki. 7 E vakatakila na nona ivalavala o koya vakataki koya vei Moshe, kei na nona cakacaka vei ira na Yisira'yili. 8 O Yahuwe (YHWH) e vakaitamera na nona yalololoma ka dauyaloyalo vinaka, e berabera na nona vakacudrui ia e vakaitamera ga vua na loloma. 9 E sega ni dau veivunauci e veigauna; ka sega talega ni dau katona na nona leva me tawa mudu. 10 E se sega vakadua ni vakarautaka vei keda na veika me veiraurau kei na noda caka ca se sauma vei keda na noda ivalavala ca; 11 Ia me vaka na kena cere mai dela i vuravura na lomalagi, e vakakina na vakaitamera ni nona yalololoma vei keda eda rerevaki koya.12 Me vaka na kena yawa na vuicake mai na vuaira, qori na kena yawa e kauta vakayawa kina mai vei keda, o koya, na noda ivalavala ca. 13 Me vaka e dua na tama e dau lomani ira na luvena, o Yahuwe (YHWH) talega e na lomani ira era qaravi koya. 14 Baleta e kila o koya na noda a buli, ka nanuma vinaka tu o koya ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; Na tikina a toka kina e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu i na tawamudu vei ira era dokai koya kei na nona yalododonu vei ira na luvedra na luvedra, 18 Vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

19 ¶ O Yahuwe (YHWH) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinaka vei Yahuwe (YHWH) kemuni na nona mala’akimi; oni uasivi e na kaukaua, ka dau vakayacora na nona ivakaro, ka galeleta vakavinaka na domo ni nona vosa. 21 Vakavinavinaka o iko vei Yahuwe (YHWH), o kemuni kece na nona lewe vuqa; o kemuni na nona italatala oni dau vakayacora na nona gagadre. 22 Vakavinavinaka vei Yahuwe (YHWH), na nona cakacaka kecega, e na veiyasana kece e na ruku ni nona lewa: Vakavinavinaka vei Yahuwe (YHWH), noqu bula (soul).

Same (Tehellim) 103:1-22

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 122 o/o 1582	May 2, 2012
Reading	Hebrew Date
M’lakhim Alef (1 Tui) 3-5	Iyar 10, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.