Nodra Kalou Matakau Na Pi’lishitimi (The Idol Of The P’lishtim)

Thought: YHWH Alone Is The Living Mighty One, And No Other.

 ..............

Serving For Shabbat, Tammuz 24, 5772

MAI NA NEVI’IMI RISHONIMI (FROM THE NEVI’IM RESHONIM)

O ira na Pi'lishitimi era a qai taura na kato ni Kalou (Mighty One), me ra kauta mai Eveni-Eza vakadua i Ashidodo. 2 Oti era qai taura tale na kato i Yahuwe (YHWH) o ira na Pi'lishitimi, era qai kauta i na burekalou i Deiqona, e keya era qai lai vakatikora toka kina e na yasa i Deiqona. 3 E na gauna era yadra mai kina e na mataka lailai sara o ira na itaukei kei Ashidodo, era qai kunei Deiqona ni sa bale vakatoboicu tu e na buturara e na mata ni kato i Yahuwe (YHWH). Era mani laveti Deiqona, ka vakaduria tale e na kena itutu. 4 Ia ni ra yadra tale mai e na mataka caca ni siga tarava, era baci raica, ni sa bale tale tu vakatoboicu e na buturara o Deiqona e na mata ni Kato i Yahuwe (YHWH); na ulu i Deiqona kei na ligana ruarua rau sa kamusu laivi tu e na ilago, na toloi Deiqona ga sa vo toka. 5 O koya qo, e sega kina ni dua vei ira na bete i Deiqona se o ira era dau curuma na burekalou nei Deiqona, e na butu kosova tale kina na ilago ni burekalou nei Deiqona mai Ashidodo me yacova mai na siga nikua.

6 ¶ Ia na liga i Yahuwe (YHWH) e a tau bi vei ira na itaukei kei Ashidodo, ni a vakarusai ira, ka vakaleqai ira kecekece e na bo (sicini), o ira mai Ashidodo vata kei na veiyasana wavolivolita. 7 Ni ra raica na tagane mai Ashidodo na ka e yaco tiko, era qai kaya, Na kato ni Kalou (Mighty One) i Yisira'yili me sa kakua ni tiko vata kei keda; baleta na ligana sa rui tau bi sara tiko ga vei keda vata kei Deiqona na noda kalou (elohim).  8 Era mani talatala wavoki  o ira me ra mai bose mada o ira na nodra ravouvou  na Pi'lishitimi; era qai kaya, Na cava mada me da cakava me baleta na nona kato na i Kalou (Mighty One)ni Yisira'yili? Era qai sauma, Laiva na kato ni nodra Kalou (Mighty One) na Yisira'yili me sa vakasukai i Qata. Era sa mani kauta lesu i keya na kato ni (nodra) Kalou (Mighty One) na Yisira'yili. 9 Ni oti na nodra vakasuka, na liga i Yahuwe sa qai tekivu me saqata na korolevu oya, e na vakacaca vakaitamera; e a ravuti ira na tagane ni korolevu oya, ruarua na lalai kei na lelevu era qai tauvi somunadara. 10 Qori qai vakavuna me ra vakauta yani kina na kato ni Kalou (Mighty One) i Ekironi. Ia ni yaco yani na kato ni Kalou i Ekironi; era qai vosa kudrukudru o ira na Ekironimi ni ra kaya, Era sa kauta mai vei keda na kato ni (nodra) Kalou (Mighty One) na Yisira'yili, me mai vakamatei keda kei ira na noda tamata. 11 Era sa mani talatala o ira, me ra lai lako mai o ira na nodra ravouvou na  Pi'lishitimi, ni ra kaya, Me vakau laivi na nona kato na Kalou (Mighty One) vei ira na Yisira'yili; laiva me vakalesui i na kena vanua (dodonu), me kakua ni vakamatei keda kei ira na noda tamata. Baleta na domobulataki ni mate sa tete tu e na loma ni nodra korolevu raraba; na liga ni Kalou (Mighty One) sa lutu bi tiko e keya. 12 O ira era sega ni mate, era sa tauvi  somunadara; na tagitagi ni korolevu sa rogo cake tiko i lomalagi.

1 Samuela (Sh’mu’yl Alef) 5:1-12

NA IVAQA NI BULA (FOOD FOR THE SOUL)

O koya e rawata mai na vuku, e lomana na nona bula (soul); o koya e tatakube matua e na yalodina e na kune ka vinaka. 9 ¶ Na ivakadinadina lasu e na sega ni calata me totogitaki; o koya e cavuta na vosa lasu e na rusa.

Vosa Vakaibalebale (Mishlei) 19:8-9

LOMANI YAHUWE NA NOMU KALOU (LOVE YHWH YOUR MIGHTY ONE)

E kaya e lomana, o Yahuwe (YHWH) sa guilecava, o koya e sa vukica laivi na matana; o koya e na sega ni raica.

12 ¶ Matacake i Yahuwe (YHWH), kemuni na Kalou (Yl) laveta cake na ligamuni; ni kakua ni guilecavi ira era vutugu. 13 Na cava beka era dauvakacudrui Yahuwe (YHWH) kina?  E kaya e lomana, na Kalou (Mighty One) e sega ni vaqara me veisausaumi. 14 Oni sa raica tiko; baleta sa tiko na  vakacaca kei na lomaca, baleta oni sa raica ni sa soro o koya vakataki koya i na qeteqete ni ligamuni; o ira na dravudravua era sa kabi mai vei kemuni; o kemuni oni nodra dau ni veivukei vei ira e sega na tamadra.15 Musuka na tabana o koya na tamata lomaca vata kei koya e dau ivalavala ca; vakaotia na nona ivalavala vakasisila me yacova ni sa sega ni kune tale e dua.16 O Yahuwe (YHWH) e tui me tawamudu ka sega ni mudu; o ira na veivanua era na kawaboko mai na nona vanua.17 I Yahuwe (YHWH), oni sa rogoca na nodra gagadre na dravudravua; na daligamuni sa rogoca na vakavakarau ni vuniyalodra; 18 Vakayacora na lewa dodonu vei ira e sega na tamadra kei ira era vakararawataki tu; me kakua kina ni ra vakawabokotaki na tamata e na dela i vuravura.

Same (Tehellim) 10:11-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 195 o/o 1655	July 14, 2012
Reading	Hebrew Date
Yechezk’yl (Isikeli) 22-24	Tammuz 24, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.