E Dua Na Vale Me Nei Yahuwe (A House For YHWH)

Thought: Dawid Could Not Build YHWH’s House, But His Throne Was Forever

 ...................

Serving For Yom Chamishi, Elul 5, 5772

MAI NA NEVI’IMI RISHONIMI (FROM THE NEVI’IM RESHONIM)

NI tiko voli na tui e na nona vale, o Yahuwe (YHWH) a qai solia vua me vakacegu maivei ira kece na kena meca. 2 Kaya na tui vei Netani na parofita,  Bau raica mada, au sa vakaitikotiko qo e na vale sitari, ia na kato i Yahuwe (YHWH) e vakaitikotiko voli ga e na daku ni ilatilati. 3 Kaya vua na tui o Netani, Lako, lai cakava sara ga na veika e lomamu; baleta o Yahuwe (YHWH) sa tiko vata kei iko.

4 ¶ Ia e na bogi sara ga oya, na vosa i Yahuwe (YHWH) a qai yaco mai vei Netani, ni kaya,  5 Lako lai tukuna vua na noqu dauniveiqaravi o Dawide, Oqo na ka e kaya mai o Yahuwe (YHWH), O iko mo kakua ni tara vei au e dua na vale meu lai vakaitikotiko kina; 6 Baleta o au, au se sega vakadua ni tiko e loma ni dua na vale mai na siga au a kauti ira cake mai kina na Yisira'yili mai Ijipita, me yacova mai na siga edai, ia au dau veitosoyaki tu ga e na valelaca, kei na vale vakacevaceva. 7 E na veivanua kece au taubale kina vata kei ira na luve i Yisira'yili, au sa bau tukuna oti beka e dua vei ira au a vakaroti ira me ra vakania na noqu tamata o Yisira'yili, meu kaya, Na cava na vuna oni se sega kina ni tara vei au e dua na vale sitari? 8 O koya oqo, mo tukuna kina vua na noqu dauniveiqaravi o Dawide, Oqo na ka e kaya o Yahuwe ni lewevuqa (YHWH Tzva'ot), Au a kauti iko mai na bainisipi, mai na nomu dau vakamuri i ira na sipi, mo mai daunivakavulewa vei ira na noqu tamata o Yisira'yili; 9 Au sa dau tiko vata kei iko e na veivanua kece o lako kina, kau dau muduki ira na kemu meca mai matamu, au na cakava vei iko e dua na yaca rogo, me tautauvata kei na yacadra na tamata rogo e dela ni vuravura.10 Kena ikuri, au na lesia e dua na vanua me nodra na noqu tamata o Yisira'yili, au na qai vakataudeitaki ira, ka cakava me ra vakaitikotiko e na nodra vanua e na sautu, me ra kakua tale ni yavalati; se me ra mai vakabobulataki tale mai vei ira na tamata ca, me vaka mai liu, 11 Mai na siga au a vakaroti iko kina mo dua na daunilewa vei ira na noqu tamata o Yisira'yili; au sa solia tu mai kina vei iko na vakacegui mai vei ira na kemu meca. Kena ikuri o Yahuwe (YHWH) a tusanaka vei iko ni na cakava o koya mo dua na mataqali.12 E na gauna sa cava kina na nomu gauna, mo sa lai moce vata kei ira na tamamu, au na qai vakatubura na nomu kawa, me muri i iko, o koya e tubu mai yagomu (loin), au qai vakataudeitaka na nona matanitu. 13 O koya e na qai tara e dua  na vale e na vuku ni yacaqu, au na qai vakaduria  na nona dabedabe vakatui me tawa mudu. 14 Au na vaka e dua na tama vua, ia o koya e na vaka e dua na luvequ tagane vei au. Kevaka e vakayacora na ivalavala ca, au na totogitaki koya e na imoku tamata kei na kuita ni luve ni tamata; 15 Ia na noqu yalololoma au na sega ni kauta laivi mai vua, me vaka au a kauta laivi mai vei Sha’ula, o koya e a tui taumada vei iko, o koya au a vakasivoya mai mataqu.16 Na nomu mataqali kei na nomu matanitu e na vakataudeitaki me tawamudu e mataqu, na nomu idabedabe vakatui e na vakataudeitaki me tawa mudu. 17 Na vosa kece oqo, kei na raivotu kece oqo, e a vakamacalataka na parofita o Netani vei Dawide.

2 Samuela (Sh’mu’yl Bet) 7:1-11

NA IVAQA NI BULA (FOOD FOR THE SOUL)

Na ivakadinadina lasulasu e na rusa; ia na tamata dau vakarorogo, ni vosa, e na sega ni saqati rawa. 29 ¶ Na mata ni tamata ca e sega ni kune kina na madua; ia o koya e yalododonu, e qarauna vinaka na nona ivalavala.

Vosa Vakaibalebale (Mishlei) 21:28-29

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same i Dawide; Nakiti me ka ni vakasama lesu. 2(1) I Yahuwe (YHWH), kakua ni totogitaki au e na nomuni leva: se kuitataki au e na dela ni nomuni cudru waqawaqa. 3(2) Baleta na nomuni gasau ni dakaititi sa coba dei tu vei au, kei na ligamuni sa bikai au no vakabibi, 4(3) Sa sega na vakacegu e na lewe ni yagoqu ka sega talega na vakacegu e na noqu sui, baleta na noqu caka ca. 5(4) Na ivalavala vakasisila sa tubu sivia na uluqu; me vaka e dua na icolacola bibi era sa bikai au tale vakabibi. 6(5) Na mavoa era sa vakasisila ka vuca mai baleta na noqu lialia. 7(6) Au sa lomaleqaleqa vakalevu; e na loma ni siga taucoko au veilakoyaki voli e na rarawa bibi. 8(7) Na toloqu sa vakasinaiti e na sautaninini, sa sega na vakacegu e yagoqu. 9(8) Au sa vakaloloma ka gogo; au vutugu baleta na yaluma ni vuniyaloqu; 10(9) I Yahuwe (YHWH) na noqu gagadre kece au biuta tu i matamuni; na noqu vutugu e sega ni vunitaki mai vei kemuni. 11(10) Na utoqu sa kavoro; na noqu kaukaua sa takali mai vei au, na rarama ni mataqu, qori sa lako tani mai vei au. 12(11) O ira na wekaqu vakaitikotiko kei ira na noqu icaba, era sa tu vakatikitiki mai na noqu leqa bibi; O ira na kai noqu era duri tu ga mai vakayawa.

13(12) ¶ O ira talega era vaqara na noqu bula, ka gadreva meu sota kei na rarawa, era vesuki au, ka kaya na vosa ni veivakacacani, era qai navuca na veika lasulasu e loma ni siga taucoko. 14(13) Ia o au, me vaka na didivara, au sega ni bau rogoca; au vaka na tamata galu, e sega ni dolava rawa na gusuna. 15(14) Qori au dua kina na tamata e sega ni vakatudaliga rawa, ia na gusuna e sega ni veivakadodonutaki rawa. 16(15) Ia vei kemuni i Yahuwe (YHWH), au vakanuinui; o kemuni oni na sauma mai vei au, i Yahuwe (YHWH) na noqu Kalou (Mighty One). 17(16) Baleta au kaya, Rogoci au, De ra qai mamarau e na vukuqu: era qai vakalialiai au ni tataivatia na yavaqu. 18(17) Au sa vakarau tu meu sotava na rarawa, na noqu vutugu sa dau tu ga vata kei au e veiveigauna kecekece. 19(18) Au na vakatusa na noqu talatalai dredre vei kemuni; au na vakasavasavataki au mai na noqu ivalavala ca. 20(19) Ia o ira na kequ meca era kaukaua ka tu vakarau; o ira era sevaki au cala, sa tubu tikoga na kedra iwiliwili: 21(20) Era vakaicovitaka na noqu vinaka e na ca, era vakaucacataki au baleta au dau vakasaqara na veika vivinaka. 22(21) Kakua ni biuti au i Yahuwe (YHWH), isa noqu Kalou (Mighty One) kakua ni tu vakayawa mai vei au. 23(22) Mai tiko voli ga, moni dau vukei au ka vakabulai i au.

Same (Tehellim) 38:1(0)-23(22)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 235 o/o 1695	August 23, 2012
Reading	Hebrew Date
Tehellim (Same) 19-21	Elul 5, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.