Vakavakarau Vinaka O Dawide (Dawid Prepares Well)

Thought: Dawide Sets Up An Intelligence Service To Foil Avshalom.

 ...................

Serving For Yom R’vi’i, Elul 18, 5772

MAI NA NEVI’IMI RISHONIMI (FROM THE NEVI’IM RESHONIM)

Era qai tukuna vei Dawide, ni ra kaya, O Akitofela rau sa bukivere tiko vata kei Avishalome. Kaya o Dawide, I Yahuwe (YHWH), au kerei kemuni moni vakatawayagataka na ivakasala kece nei Akitofela. 32 Oti qai lako mai o Dawide e na vanua e dau sokalou kina Vua na Kalou (Mighty One), raica, ni a lako tale ga mai me mai tavaki koya o Hushai na Araki ka sa kakadresudresu tu mai na nona kote qai qeleqelea tu na uluna: 33 Kaya vua o Dawide, Kevaka mo mai lako vata kei au, o na mai icolacola bibi ga vei au, 34 Ia kevaka mo lesu i na korolevu,  lai kaya vei Avishalome, Kemuni na tui, O au na nomu dauniveiqaravi baleta au a dauniveiqaravi tu e liu vei tamamuni. Ia qo, o au na tui, au vinakati iko mo lako, mo dau lai vakatanitaka na ivakasala kece nei Akitofela. 35 Raica, rau sa tiko qori kei iko mai na korolevu, o Zadoka kei Aviyataa o rau na kohanimi. Na vosa kece o rogoca ni tukuni e loma ni vale ni tui, qori mo na vakadewataka vei rau o Zadoka kei Aviyataa o rau na kohanimi. 36 Raica ni rau tiko talega e keya vata kei tamadrau o rau na luvedrau tagane oya o Akima'asa na luvetagane i Zadoka vata kei Yo'honatani na luvetagane i Aviyataa; o rau me rau na dau idewadewa mai vei au, ni itukutuku kece sara o rogoca rawa. 37 A mani curu lesu tale i na korolevu, o Hushai, e na gauna vata a curu tiko kina i Yerushalayimi o Avishalome.

Samuela (Sh’mu’yl Bet) 15:31-37

NA IVAQA NI BULA (FOOD FOR THE SOUL)

Raica, au sega beka ni volavola yani me baleta na ivakasala kei na kilaka? 21 Meu rawa ni vakatakila vei iko na ivakasala, na kilaka, na sautu kei na vosa ni dina; me rawa kina vei iko mo dau sauma na vosa dina vei ira era talatala yani vei iko.

Vosa Vakaibalebale (Mishlei) 22:20-21

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Nodra Same na kawa i Kora’aka 2(1) Rogoca qo, kemuni  kece na tamata; vakatudaliga kemuni kece oni vakaitikotiko e vuravura; 3(2) Na lalai kei vuravura, na luve ni tamata, vutuniyau se dravudravua me wili vata kece. 4(3) Na gusuqu e na veitalanoataka na vuku, na vakanananu ni vuniyaloqu e na toka e na yalomatua. 5(4) Au na vakala na daligaqu i na vosa vakatautauvata; au na lagata na vosa vakaibalebale e na hapi. 6(5) Au na sega ni domobula e na veisiga ca, ni sa wavokiti au na nodra ivadi ca na kequ meca;

7(6) ¶ Oya o ira era dau boletaka na nodra kaukaua o ira vakataki ira, ka dau vakadokadokai ira vakataki ira e na vakaitamera ni nodra iyau, 8(7) E dua na tacida e na sega ni vueti tacina rawa, e na sega tale ga ni rawa vua e dua na tamata me solia vua na Kalou (Mighty One) na kena ivoli o koya vakataki koya. 9(8) Baleta na ivoli ni nodra bula (soul), e ka vakamareqeti. 10(9) Caka vinaka tiko me tawamudu, o na qai bula tiko me tawamudu, o na sega ni raica na vuca. 11(10) Ia o na raici ira na tamata vuku ni ra mate; ka vaka kina o ira na lialia kei ira na vakasama gogo ni ra na rusa ka biuta tu mai na nodra iyau me nodra na tani. 12(11) Na nodra ibulubulu sa na nodra itikotiko me tawa mudu, ka nodra vale e na veitabagauna taucoko; na ivakatakilakila e na nodra ibulubulu sa na qavuni kedra ivakananumi e dela i vuravura. 13(12) Ia na tamata vaka oqori era na sega ni vakarokorokotaki e na vuku ni nodra dokai; na nodra itinitini e na tautauvata ga kei na manumanu kila, o koya e na rusa. 14(13) Qo na nodra ivalavala lialia: e na kena itinitini, na tawamacala, era na dau kana me vaka na bulumakau. 15(14) Me vaka na sipi, era sa vakau tiko i na nodra ibulubulu, na mate e na kana mai vei ira; o ira na yalododonu era na lewai ira e na veimataka, na ibulubulu e na tiloma na kedra talei, era kaburaki laivi mai na nodra itikotiko. 16(15) Ia o Yahuwe (YHWH) e na vueta na noqu bula (soul); mai na kaukaua ni ibulubulu o koya e na vakaturi au cake. 17(16) Kakua ni nuiqawaqawa ni dua e sa buli me vutuniyau, ka sa toroi cake na dokai ni nona vale. 18(17) Baleta e na gauna e mate kina e na sega ni colata laivi e dua na ka; na nona rokovi e na sega ni muri i koya sobu.  19(18) Baleta e na gauna e se bula voli kina, e na sotava tu na bula maleka, ka na vakacaucautaki iko ni o tovaki koya. 20(19) Na nona itinitini e na tautauvata vinaka kei tamana sa liu oti vua, rau na sega vakadua ni raica na rarama. 21(20) Na tamata e na sega ni rawa ni vakanuinui e na nona dokai me vakacegui koya, baleta ke vaka kina, o koya e na tautauvata kei na manumanu kila.

Same (Tehellim) 49:1(0)-21(20)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 248 o/o 1708	September 5, 2012
Reading	Hebrew Date
Tehellim (Same) 61-63	Elul 18, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.