Lako Sese O Yarovo’ama (Yarov’am Went Astray)

Thought: Yarov’am Left YHWH; Led Yisra’yl To Idol Worship To This Day.

 ........................

Serving For Yom Rishon, Tishrei 28, 5773

MAI NA NEVI’IMI RISHONIMI (FROM THE NEVI’IM RESHONIM)

O Yarovo'ama a qai tarai She'kehema cake mai na ulunivanua o Ifirayimi, qai vakaitikotiko kina; oti qai biubiu mai keya qai lai tarai Pe'nu'yili. 26 O Yerovo'ama, a qai kaya lo e vuniyalona, Qo e na rawa ni lesu tale na matanitu i na vale i Dawide; 27 Kevaka me ra dau lako cake tale tiko na tamata oqo me ra lai vakaicabo isoro, e na vale i Yahuwe (YHWH) mai Yerushalayimi; na yalodra na tamata e na qai vuki lesu vei ira na nodra turaga, oya vei Rekava'ama na tui Ya'huda, era na qai vakamatei i au, era qai lesu vei  Rekava'ama na tui Ya'huda. 28 A mani tauri ivakasala na tui, qai bulia e rua na luve ni bulumakau mai na koula, qai kaya vei Yisira'yili taucoko, Sa na rui dredre tale vei kemuni moni na dau lako tiko i Yerushalayimi; raica na nomuni kalou (elohim) i Yisira'yili, o koya e a kauti kemuni laivi mai na vanua o Ijipita. 29 O koya a qai lai vakaduria e dua mai Beiti-Yili, ka vakaduria na kena ikarua mai Dani. 30 Na ka oqo a qai yaco me dua na ivalavala ca;  baleta o ira na tamata era a dau lako sara me ra lai qavava na kena e tiko sara mai Dani. 31 E a taraa o koya e dua na valenisoro ni kaloumatakau, qai buli i ira na bete mai vei ira na tamata era sega ni luve i  Livai. 32 O Yerovo'ama a qai cakava me dua na solevu e na ikawalu ni vula, e na ikatinikalima ni siga ni vula, me tautauvata kei na solevu mai Ya'huda, o koya a qai lako cake me lai vakacabo isoro e na icabocabo ni soro. Qori a cakava vakakina mai Beiti-Yili, me vakaicabo isoro i na luve ni bulumakau a bulia o koya; qai lesi i ira na bete me ra veiqaravi e na valenisoro ni kalou matakau mai Beiti-yili e a tara talega o koya. 33 A qai lako o koya i na valenisoro a tara mai Beiti-Yili, e na ikatinikalima ni siga ni ikawalu ni vula, oya e na vula a lewa ga o koya e vuniyalona; qai lesia e dua na solevu vei ira na luve i Yisira'yili; a qai lako cake o koya i na icabocabo ni soro me lai vakama kina na ka boi kamica.

M’lakhim Alef (1 Tui) 12:25-33

NA IVAQA NI BULA (FOOD FOR THE SOUL)

Na vosovosota vakabalavu e rawai kina e dua na dau ni vakavulewa, ia na yame malumu e musulaki ira na sui.

Mishlei (Vosa Vakaibalebale) 25:15

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Mai na iqaqi ni waini (Gittit). E dua na nodratou Same na luve i Koraka. 2(1) E dau domoni vakaidina na nomuni vale, i Yahuwe ni lewevuqa (YHWH Tzva’ot). 3(2) Na noqu bula (soul) e guta, io e mateca na lomanibai i Yahuwe (YHWH); na vuniyaloqu kei na lewequ e na vakacaucau e na vuku ni Kalou bula (Living Mighty One). 4(3) Io, na separo e kunea e dua na vale, kei na ruve e dua na nona sova me nona o koya vakataki koya, na tikina me ra susugu kina na nodra lalai, e na yasa ni nomuni icabocabo ni isoro, i Yahuwe  ni lewevuqa (YHWH Tzva’ot) na noqu Tui ka noqu Kalou (Mighty One).  5(4) Era kalougata o ira era vakaitikotiko e nomuni vale; era na vakacaucautaki kemuni tiko me tawamudu. 6(5) E kalougata na tamata e vu mai vei kemuni na nona veivuke; ka ni tiko e vuniyalona na nomuni itovo. 7(6) Era a lako sivita na buca ni wainimata, ka cakava me dua na itikotiko; na Vunilawa e na ubia e na kalougata. 8(7) Era toso mai na kaukaua i na kaukaua; na Kalou (Mighty One) e na laurai mai Saiyoni.

9(8) ¶ I Yahuwe ni lewevuqa (YHWH Tzva’ot) na Kalou (Mighty One), ni rogoca mai na noqu masu, vakatudaliga mai kemuni na Kalou (Mighty One) i Ya’akove.10(9) Raica, kemuni na Kalou (Mighty One), o kemuni na neimami isasabai, moni raica na mata ni nomuni lumuti. 11(10) E dua na siga e na loma ni nomuni bai, e daumaka vakaoti cake mai na duanaudolu (e na vanua tu tani); e vinaka cake vei au meu duri tu ga e na mata ni nona vale na noqu Kalou (Mighty One), meu kakua ga ni vakaitikotiko e na valelaca ni ivalavala ca. 12(11) Baleta o Yahuwe (YHWH) na Kalou  (Mighty One); e noda ivurevure ka noda dauniveivuke; o Yahuwe (YHWH) e na solia mai na loloma kei na vakarokoroko: e sega ni dua na ka vinaka e na bureitaka vei ira era lako tiko e na yalododonu. 13(12) I Yahuwe ni lewevuqa (YHWH Tzva’ot) e kalougata na tamata e vakabauti kemuni.

Tehellim (Same) 84:1(0)-13(12)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 287 o/o 1747	October 14, 2012
Reading	Hebrew Date
Mishlei (Vosa Vakaibalebale) 13-14	M #7: Tishrei 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.