Thought:
YHWH Gives Ben-Hadad Into Yisra’yl’s Hands
.................
Serving For Yom
Chamishi, Cheshvan 16, 5773
MAI NA
NEVI’IMI RISHONIMI (FROM THE NEVI’IM RESHONIM)
Ia
o Beni-Hadada na tui Idomi a qai vakasoqoni ira vata na nona mataivalu; era le tolusagavulukarua na tui era to mai
vata kei koya, kei na ose kei na qiqi ni vala; qai lako cake o koya me lai tuvaivalutaki Shomorono, me sa valuta.
2
A tala o koya eso na dau ni kauitukutuku vei 'Aka'ava na tui Yisira'yili, qai
kaya vua, Oqo na veika e kaya o Beni-Hadada, 3 Na nomu siliva kei na nomu koula
era sa noqu; kei koya vei ira na watimu e totoka duadua kei ira talega na
luvemu era sa noqu. 4 Na tui Yisira'yili a qai sauma ni kaya, Me vaka na nomu
vosa, noqu turaga na tui; o au, au nomu kei na ka kece sara e noqu. 5 Oti a
baci lesu tale mai na dau kauitukutuku, qai kaya. Oqo na ka e kaya o
Beni-Hadada, E dina niu a talatala yani e liu, au qai kaya kina, O iko mo kauta
mai mo mai solia vei au na nomu siliva, na nomu koula, o ira na watimu kei ira
na luvemu; 6 Ia o au talega au na tala yani na noqu dauniveiqaravi nimataka, e
na gauna vata oqo, era na qai lai vakacacara yani e na loma ni nomu vale kei na
nodra vale na nomu dauniveiqaravi; na ka cava ga e talei vei ira, era na taura
e ligadra me ra kauta lesu mai. 7 Oti, na tui Yisira'yili a qai kacivi ira vata
na matua ni vanua, qai kaya vei ira, Moni kila ka raica na ka e cakava tiko na
tamata oqo me tubu na veisei; baleta a talatala mai vei au o koya meu soli i ira
na watiqu, o ira na luvequ, na noqu siliva kei na noqu koula vua; ia au a sega
ni bureitaka vua. 8 O ira kece na matua, kei ira kece na tamata, era qai kaya
vua, Kakua ni galeleti koya se vakadonuya vua. 9 Qori qai kaya kina o koya vei
iratou na dau ni kauitukutuku i
Beni-Hadada, Tukuna vua na nomudou turaga na tui, na ka kece o a tala
mai vua na nomu dauniveiqaravi e liu, au
na cakava; ia na ka oqo, au sega ni rawa ni cakava. Era biubiu sara na dau
kauitukutuku era qai lai vakasavuya tale vua na nona vosa. 10 Talatala lesu
tale vua o Beni-Hadada ni kaya, Na kalou (elohim) me cakava vei au, ka
vakaikuritaka, kevaka e veiraurau na kuvu ni soso ni Shomorono ni ra se qai yadua ga na iluku o
ira na tamata yadua era na lako yani vata kei au.11 Sauma na tui Yisira'yili ni
kaya, Tukuna vua, kakua ni vakalaivi koya e vauca vua na nona iyaragi, me
dokadoka me vakataki koya e na luvata laivi mai vua.
12
¶ Ia ni rogoca na itukutuku oqori o Beni-Hadada, ni gunu tiko, o koya kei ira
na vo ni tui e loma ni nona vale vakacevaceva, a qai vakarota yani vei ira na
nona dauniveiqaravi, Vakarau mai, tuva
mai vakaivalu me sa kabai na koro. 13 Raica, ni a toro mai e dua na parofita
vei 'Aka'ava na tui Yisira'yili qai kaya
vua, Oqo na ka e kaya o Yahuwe (YHWH), O sa raica oti beka na mataivalu
vakaitamera qo? Raica, o au, au na soli i ira kece i ligamu e na siga oqo; o
iko o na qai kila ni o au o Yahuwe (YHWH). 14 Taro o 'Aka'ava, E na liga i cei?
Kaya vua o koya, E kaya vakaoqo o Yahuwe (YHWH), E ligadra ga na nodra cauravou
kei ira na ravouvou ni veiyasana. Taro tale o koya, O cei me na tekivuna na
ivalu? Kaya o koya, O iko! 15 A qai taura na kedra iwiliwili na cauravou kei na
ravouvou ni veiyasana, qai wilika ni ra le ruanadrau tolusagavulu ka rua; qai wiliki ira talega na
tamata kecekece vei ira na Yisira'yili; era le vitunaudolu.
NA IVAQA NI BULA (FOOD FOR THE SOUL)
O
koya e dauveisevaki e na kilai mai na veika e kaya o koya vakataki koya, e vuniyalona e vakalasaya tiko na
veivakacalai; 25 E dina ni na malumu na rorogo ni domona, kakua ga ni vakabauti
koya; baleta e tiko e vuniyalona e vitu na
ka vakasisila. 26 O koya e katona tiko na veisevaki e vuniyalona, na
nona ivalavala ca e na vakavotui e matadra na isoqosoqo.
LOMANI YAHUWE NA NOMU KALOU (LOVE YHWH YOUR MIGHTY ONE
Vakavinavinaka vei Yahuwe (YHWH), noqu bula.
I Yahuwe (YHWH) na noqu Kalou (Mighty One), oni vakaitamera; oni vakaisulu e na
dokai kei na sau vakaturaga. 2 Oni ubi i kemuni vakataki kemuni e na rarama me
vaka e dua na isulu: o kemuni oni dedeka na lomalagi mevaka na ilatilati, 3 O
kemuni oni vakotora na ikaso ni nomuni itabavale e cake e loma ni wai; oni
cakava na o me nomuni qiqi ni ivalu vakaturaga; o kemuni oni lako voli e na
taba ni cagi, 4 O koya a cakava na cagi me ra nomuni dau ni kauitukutuku, kei na yameyame ni
bukawaqa me ra nomuni dauniveiqaravi. 5 O koya e a vakotora na yavu kei
vuravura me kakua ni yavalati me tawamudu. 6 O kemuni oni ubia e na titobu me
vaka e na isulu: na wai era tu e dela ni ulunivanua. 7 E na nomuni veivunauci
era a veidroyaki, e na rorogo ni nomuni kurukuru era toso laivi vaqunaquna; 8
Era a cabe i na ulunivanua, ka siro i na veibucabuca i na veitikina oni sa
vakatikori ira kina. 9 Oni qai lesia na iyalayala me ra kakua ni toso sivia, me
ra ubia tale na vuravura.
10
¶ O kemuni oni vakauta na tovure i na veibucabuca, me veidrodroyaki e na maliwa ni veidelana. 11 Era solia na
wainigunu vei ira na manumanu kecekece ni vanua; na asa kila era vakaceguya na
nodra karamaca. 12 E batibatina, o ira na manumanu vakatabadra ni lomalagi era
bulia kina na nodra itikotiko; mai na maliwa ni veidelana era lagalagasere tiko
mai. 13 E vakasuasuai ira na veidelana mai loma ni nona loqi; o vuravura e
vakacegui mai na vua ni nomuni cakacaka. 14 O koya e vakavuna na veico me ra
tubu me kedra na bulumakau, kei na veikau vuata me yaga vei ira na tamata, me
rawata kina na kakana mai loma ni qele; 15 Kei na waini e dau vakamarautaka na
vuniyalo ni tamata, kei na waiwai me vakalumisataka kina na matana, kei na
madrai e dau vakaukauataka na vuniyalo ni tamata. 16 Na veivunikau i Yahuwe
(YHWH), e sinai kina na draunikau, na sitari ni Li’vanoni e a tea o koya; 17 E
keya o ira na manumanu vuka era bulia na nodra sova; ia o ira na belo na nona vale
e tiko e na loga saipurusi. 18 Na veiulunivanua cecere e nodra ivunivuni na
mekila, na kena veivatu e nodra ivunivuni na koni.
19
¶ O koya e lesia na vula e na vukuni veitabagauna, na matanisiga e kila vinaka
na nona dromu. 20 O koya e bulia na butobuto, qai yaco me bogi; na gauna era
dau veiqasiyaki mai kina na manumanu ni veikau. 21 Na laioni gone era tagi
muria na kedra manumanu ni vakasasa, me ra vaqara na kedra kakana mai vua na
Kalou (Mighty One). 22 Ni cadra na matanisiga, era qai soqoni vata me ra lai
koto sobu tale e na loma ni nodra qara. 23 Na tamata era lako sobu i na nodra
dui cakacaka i na nodra dui itavi me yacova na yakavi.
|
Read The Tanakh in a Year (Wilika Na iVola Tabu E Na Dua na Yabaki).
|
|
|
Siga
(Day)/Blog
|
Tikinisiga
(Date)
|
|
Blog
No. 305 o/o 1765
|
November
1, 2012
|
|
Reading
|
Hebrew
Date
|
|
M #8:
Cheshvan 16, 5773
|
|
|
Click
The Bible Text To Read It In Gateway In Another Language Or Version
|
|
No comments:
Post a Comment