Thought: YHWH’s Love For Yisra’yl
Hinged On Avraham, Yitz’chak and Ya’akov
.....................
Serving For Shabbat, Kislev 24, 5773
MAI NA NEVI’IMI RISHONIMI (FROM THE NEVI’IM
RESHONIM)
E na ikatolusagavulukavitu ni
yabaki i Yo'asha na tui Ya'huda, o Yo'asha na luvetagane i Yo'ho'akaza a qai
tekivu me veiliutaki vakatui vei ira na Yisira'yili mai Shomorono, a qai
veiliutaki tiko vakatui me tolusagavulu na yabaki. 11 Ia o koya a vakayacora na
veika a sega ni donu e na mata i Yahuwe (YHWH); e a sega talega ni saumaki
laivi mai na ivalavala ca i Yerovo'ama na luvetagane i Ne'vati, o koya e a
vakavuna taumada me valavala ca o Yisira'yili, ka ni o koya e a lako muria sara
tiko ga. 12 Na vo ni cakacaka i Yo'asha kei na veika kece a cakava o koya, vata
kei na itukutuku ni nona kaukaua a dau valuti
Amazayaa na tui Ya'huda, raica era volai kece tu e na ivola ni nodra
veigauna na Tui Yisira'yili. 13 O Yo'asha a qai moce vata kei ira na nona qase;
ia o Yerovo'ama a qai mai dabeca na nona idabedabe vakatui; o Yo'asha e a bulu
mai Shomorono, vata kei ira na tui Yisira'yili. 14 O Yilai'sha a qai tavi mate,
e na mate sara ga e a qai vakavuna na nona ciba. O Yo'asha na tui Yisira'yili e
a mai sikovi koya qai mai tagitagi tiko e matana ni kaya, I tamaqu, i tamaqu!
Na nodra qiqi-ni-ivalu na Yisira'yili, kei na nodra daunivodo ose! 15 Kaya o
Yilai'sha vua, Kauta mai e dua na dakaititi kei na kena gasau. Taura sara mai o
koya e dua na dakaititi kei na kena gasau. 16 Kaya o koya vua na tui
Yisira'yili, Biuta na ligamuni e na dakaititi. Biuta sara kina o koya; O
Yilai'sha a qai taqara na ligana o koya e ligana na tui.17 Kaya o koya, Dolava
na dubaleka vaka i na vuaicake; e dolava sara o koya. Kaya o Yilai'sha, Vana. A
vana sara o koya. Kaya o koya, Na gasau ni veivueti i Yahuwe (YHWH) kei na
gasau ni veivueti mai vei ira na Arama; o iko o na rawai ira na Arameani mai
Efeki, me yacova ni o sa vaqeavutaki ira. 18 Kaya o koya, Taura eso na gasau.
Tauri ira sara o koya. Kaya o koya vua na tui Yisira'yili, Samuta kina na dela
ni qele. Samuta sara o koya vakatolu oti qai cegu. 19 A yalokatakatataki koya
na tamata ni Kalou (Mighty One), ni kaya, E dodonu mo a samuta vakalima se
vakaono; qori o na samuti ira na Arameani me yacova ni o sa vaqeyavutaki ira;
ia qo o na samuti Arama wale ga vakatolu.
20 ¶ Sa qai mate o Yilai'sha, era
qai buluti koya. E na yabaki sara ga oya era a valuta kina na vanua e dua na
ilala Mo'avi. 21 A qai yaco ni ra buluta tiko e dua na tamata, ni ra a raica e
dua na ilala dau kabavanua; era mani biuti koya ga e na ibulubulu nei
Yilai'sha; ni sa tukuci sobu na yago ni tamata oya e loma ni ibulubulu me tara
na sui i Yilai'sha, e a qai bula tale ka duri cake sara e yavana. 22 Na tui
Arama o Haza'yili e a vakadredretaka tikoga na bula vei Yisira'yili, e na dela
ni gauna kece sara i Ye'ho'akasa. 23 Ia a yalololoma tiko vei ira o Yahuwe
(YHWH), ka kauwaitaki ira, qai vuki lesu vei ira baleta ga na nona
veidinadinati vata kei Avarahama, Yi'sake kei Ya'akove, qai sega kina ni via
vakarusai ira, ka sega talega ni cemuri ira mai matana. 24 A mani mate o
Haza'yili na tui Arama; qai sosomitaki koya me tui na luvena tagane o Bahadada.
25 O Yo'asha na luve i Ye'ho'akasa, a qai taura lesu tale mai vei Bahadada na luve
i Haza'yili, na veikoro a kovea o koya mai vei Ye'ho'akasa na tamana, e na
ivalu. E vakatolu na nona vakadrukai koya o Yo'asha, qai rawata lesu mai na
veikoro vei Yisira'yili.
NA IVAQA NI BULA (FOOD FOR THE SOUL)
Na kuita kei na veivakadodonutaki
e solia mai na vuku; ia na gonelailai e lailai tiko vua na lewa maqosa, e kauta
mai na madua vei tinana. 16 ¶ Ni tubu na kedra iwiliwili o ira na ca, na
talatalataidredre e na tubu talega; ia o ira na yalododonu era na vakadinadinataka
na nodra bale. 17 ¶ Vakadodonutaka na luvemutagane o koya e na qai solia vei
iko na vakacegu; io, o koya e na kauta mai na reki i na nomu bula (soul).
LOMANI YAHUWE NA
NOMU KALOU (LOVE YHWH YOUR MIGHTY ONE
E dua na sere ni cabecabe.
Maivei Sholomo. Vakavo ga ke taraa na vale o Yahuwe (YHWH), e ka ga ni
vakarairai na nodra cakacaka o ira era taraa tiko; vakavo ke vakatawana na
korolevu o Yahuwe (YHWH), e ka ga ni veivakacalai na nodra yadra tiko o ira na
ivakatawa. 2 E veivakacalai o koya e dau sou vakamataka, ia e vakadaroya na
nona lai moce, baleta ni cakacaka tiko vakaukaua, me rawata na nodratou bula;
baleta o koya e na vakarautaka na veika me baleti ira na nona daulomani, e na
gauna era se dui moce tu kina. 3 Raica, o ira na gonelalai era isolisoli nei
Yahuwe (YHWH); na vua ni katonigone e dua na icovi. 4 Me vaka na gasau ni
dakaititi e ligana e dua na tamata qaqa; era vaka kina o ira na lalai era sucu
e na nodra gauna ni uabula. 5 E kalougata na tamata e tawani ira vakalevu e na
nona bola ni gasau; o koya e na sega vakadua ni madua ni veileti kei ira era
kena meca, e na matamata.
|
Read The Tanakh in a Year (Wilika Na
iVola Tabu E Na Dua na Yabaki).
|
|
|
Siga (Day)/Blog
|
Tikinisiga (Date)
|
|
Blog No. 342 o/o 1802
|
December 8, 2012
|
|
Reading
|
Hebrew Date
|
|
M #9: Kislev 24, 5773
|
|
|
Click The Bible Text To
Read It In Gateway In Another Language Or Version
|
|
No comments:
Post a Comment