Na Vakavunene Nei Ebasalome (The Rebellion of Absalom.)

Thought: We Need To See Yahweh In Every Event Once We Know Him

.................................

Serving for the 30^th April, 2010

A qai yaco ni oti e va na yabaki, ni a kaya o Ebasalome vua na Tui, Laivi au meu lako mada me lai vakayacora na noqu bubului vei Jiova (Yahweh) mai Hebroni; 08 Baleta na nomuni tamata a tauca e dua na bubului e na gauna a tiko kina mai Qesuri vata kei Arama, ni a kaya, Kevaka e kauti dina tale i Jerusalemi o Jiova (Yahweh), o au, au sa na qaravi Jiova (Yahweh). 09 Sa qai kaya vua na Tui, Lako e na vakacegu. Sa mani biubiu o koya me lako i Hebaroni. 10 Ia o Ebasalome a qai vakau yamata vuni i na loma ni veimataqali kece i Isireli qai kaya vei ira, Ni oni rogoca ga na domo ni davui, moni kacivaka sara, Sa veiliutaki vakatui mai Hebaroni o Ebasalome.11 Era a lako vata kei Ebasalome e ruanadrau mai Jerusalemi, ia era a lako ga vakasavasava; era a sega sara ga ni kila na bukivere sa navuci tu. 12 A qai talatala o Ebasalome, me lakovi o Ahicofeli na Qilonaiti na dau ni ivakasala nei Davide, me lai kau mai na nona korolevu o Qilo, e na gauna e vakacabo isoro tiko kina. Na bukivere a qai kaukaua cake; qai tubu cake tikoga kina na iwiliwili ni tamata era sa to tiko mai kei Ebasalome.

2 Samuela 15:7-12

Oqo na veika e kaya o Jiova (Yahweh) na nomu ivakabula o koya na Yalosavasava Duabulu kei Isireli, O au o Jiova (Yahweh) na nomu Kalou (Mighty One), au sa vakatavulici iko tiko mo kakua ni dau cakacala, kau liutaki iko tiko e na sala e dodonu mo dau muria.

Aisea 48:17.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
120.	Epereli 30	2 Samuela 23-24	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

O Ebasalome Na Luvei Davide (Absalom, David’s Son)

Thought: Our Children Reflect What Is In Our Hearts As Parents

........................................

Serving For the 29^th April, 2010

O Ebasalome a tiko mai Jerusalemi me yabaki rua, ia a sega vakadua ni raica na matana na tui. 29 A qai talatala o Ebasalome me lai lako mai o Joabe, me mai talai koya mada vua na tui; ia a qai sega ni via lako vua o koya; a mani talatala tale e na ikarua ni gauna ia a sega tiko ga ni lako mai vua. 30 Kaya sara o Ebasalome vei ira na nona dauniveiqaravi, Raica, e dua tiko na qele nei Joabe e toka volekata toka na noqu. Veitalia ga ke witi se barile, lako lai vakama yavu. Era mani vakama na vanua nei Joabe o ira na dauniveiqaravi nei Ebasalome. 31 Sa qai tu o Joabe me lako i na vale nei Ebasalome qai lai tarogi Ebasalome, Na cava era vakama kina na noqu vanua o ia na nomu dauniveiqaravi? 32 Sauma vei Joabe o Ebasalome, Raica, au a talatala yani mo lai lako mai, meu rawa ni mai talai iko vua na tui, mo lai taroga se cava au lai kau mai kina mai Qesuri? A vinaka cake vei au na noqu tiko voli mai keya; ia qo au sa via lai raica na tui, kevaka e tiko na noqu cala ia me vakamatei au sara o koya. 33 A mani lako vua na tui o Joabe, qai lai tukuna vua na vosa nei Ebasalome; qai kacivi Ebasalome; qai lako mai kina vua na tui o Ebasalome, cuva sobu e mata ni tui me tara na dela ni qele na matana; oti qai reguci koya na tui.

2 Samuela 14:28-33

Vakatavulica cake na gone e na sala e dodonu me dau muria; ia ni sa qase mai e na sega vakadua ni toso tani mai kina.

Vakaibalebale 22:6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
119.	Epereli 29	II Samuela 21-22	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

O Keda Na Tamata (Us Human Beings)

Thought: Our Biggest Stumbling Block is Self Deception.

...................................

Serving For The 28^th April, 2010

Me vaka e dua na tama e dau lomani ira na luvena, o Jiova (Yahweh) talega e na lomani ira era rerevaki koya. 14 Baleta e kila o koya na noda a buli, ka nanuma vinaka tiko ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; Na tikina a toka kina e na sega ni kilai tale vakadua. 17 Ia na yalololoma i Jiova (Yahweh) e vu mai na tawamudu i na tawamudu vei ira era dokai koya kei na Nona yalododonu vei ira na luvedra na luvedra, 18 vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

19 ¶ O Jiova (Yahweh) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinaka vei Jiova (Yahweh) kemuni na nona agilosi; oni uasivi e na kaukaua, dau vakayacora na nona ivakaro, ka dau galeleta vakavinaka na domo ni nona vosa.

Same 103: 13-20

Baleta raica, au a buli mai na ca (iniquity); ia e na ivalavala ca o tinaqu a kunekunetaki au. 06 Raica oni gadreva na dina, ia na veika vuni kece me baleta na nomuni dina (wisdom) oni sa vakatakila vei au.

Same 51:5-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
118.	Epereli 28	II Samuela 19-20	Luke 21:20-38

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Davide kei Bacisheba (David and Bathsheba)

Thought: David Suffered A Spiritual Erosion; Do We Have That Problem? Check!

Serving For The 27^th April, 2010

Ni sa cava na yabaki, na gauna era dau biuta kina na valenitui o ira na tui, o Davide a qai talai Joabe vata kei ira na nona dauniveiqaravi vata kei Isireli taucoko; era qai lai tuvaivalutaki Rabaca; ia o Davide a tikoga mai Jerusalemi. 02 A qai yaco e na dua na yakavi ni mata mai na nona loga o Davide, qai lai tabale voli e na delavuvu ni vale ni tui; ni a raica e dua na yalewa ni sisili tiko; na yalewa qo e rairai totoka vakaoti na kena irairai. 03 A qai talatala o Davide me lai vaqaqai mada mai na yalewa. Kaya e dua, Qori o Bacisheba na luvei Ahinami, na wati i Uraia na Hitaiti? 04 A mani tala e dua na dau ni kauitukutuku me lai kauti koya mai; a qai lako mai vua na yalewa, qai veiyacovi vata kei koya; ia e na siga sara ga oya a se qai vakasavasavataki koya kina mai na nona mate ni vula; oti qai lesu i nona vale. 05 A qai kunekune na yalewa, qai talatala me lai tukuni vei Davide; Au sa bukete.

06 ¶ Oti qai vakauta e dua na itukutuku vei Joabe o Davide, me kaya, Talai Uraia na Hitaiti mada mai vei au. A qai talai Uraia vei Davide o Joabe. 07 Ni sa yaco yani vua o Uraia, a qai tarogi Uraia o Davide se sa vakaevei o Joabe kei ira na tamata vata kei na ivalu. 08 Oti qai kaya o Davide vei Uraia, Lako sobu i na nomu vale mo lai savuya na yavamu. Biuta mai na valenitui o Uraia, qai muri i koya yani e dua na iloloma mai vua na tui. 09 Ia o Uraia a moce no ga e na katuba ni nona vale na tui, vata kei ira na dauniveiqaravi vua na nona turaga (master); e a sega ni lako i nona vale.

2 Samuela 11:1-9

Kevaka eda vakatusa na noda ivala­vala ca, o Koya e yalodina ka yalododonu, e na vosoti keda mai na noda ivalavala ca, ka vakasavasavataki keda mai na noda dukadukali kecekece.

1 Joni 1:9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
117.	April 27	2 Samuela 17-18	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Sere Ni Vakavinavinaka Nei Tevita (David’s Songs of Praise)

Dedicated to Luisa my granddaughter as she turns 11 today

............................

Thought: For Ever Be Thankful To Yahweh For His Love

....................................

Serving For the 26^th April, 2010

Oni vueti au mai na sasaga ni tamata, oni sa lesi i au meu iliuliu ni veimatanitu; e dua na matatamata au sega ni kilai ira era na mai veiqaravi vei au. 45 O ira era vakatudaliga, era na vakarogoci au; o ira na luvedra tagane na vulagi era na talairawarawa vei au. 46 O ira na vulagi era na tu vakadua era na qai tarovi mai na nodra ivalavala; 47 O Jiova (Yahweh) e bula; me vakacaucautaki o koya e solia vei au na noqu kaukaua; me vakacerecerei na Kalou (Mighty One) na noqu ivakabula. 48 O Kemuni na Kalou (Mighty One) oni solia vei au na veisausaumi oni sa biuti ira sobu na tamata e rukuqu, 49 ka vueti au mai vei ira na kequ meca; oni qai laveti au meu uasivi cake vei ira era a tu mai me ra saqati au: oni qai vueti au mai vei ira na tamata ca. 50 O koya oqori au na vakamolimoli kina vei kemuni, i Jiova (Yahweh), e na kedra maliwa na veivanua, Au na qai seretaka na vakavinavinaka i na yacamuni.51 O koya e solia na veivueti lelevu vua na nona tui, ka vakaraitaka na nona yalololoma vua na nona lumuti, vei Davide kei ira na nona kawa me sega ni mudu.

2 Samuela 22:44-51

Au na vakavinavinaka vei Jiova (Yahweh) e na veiveigauna kece; Na nona vakamolimolitaki e na dau toka ga e gusuqu.

Same 34:1

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
116.	April 26	2 Samuela 15-16	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

O ira na Qaqa Nei Tevita (David’s Military Might)

Thoughts: We Cannot Win Any Battle Without Yahweh

.........................................

Serving For The 25^th April, 2010

Oqo na yacadra na tamata qaqa era a tiko vata kei Davide: e dabe tiko e na imatai ni idabedabe, e na ikatolu ni iyatu o Qado, na tagane a lako sobu qai lai vakamatea e walunadrau na tamata e na dua na aua. 09 Taravi koya o Eliesa na tavalei Qado; o koya e a lako vata kei Davide vata kei na tolu tale na tagane, e na gauna era a bolei ira kina o ira na kai Filisitia ka ra vakarau tu me ra vala; ia ni ra sa vakasuka na Isireli, 10 A qai tu o koya, ka ravuti ira na kai Filisitia, me yacova ni sa dadaga na ligana ka sa kabita na nona iseleiwau; O Jiova (Yahweh) a qai cakacakataka e dua na qaqa vakaitamera e na siga oya: era qai lesu ga mai vata kei koya na tamata me ra kauta na itoki ni valu. 11 Tarava yani o Shama na luve i Aqii, mai na ulunivanua. Ni ra soqo yani na kai Filisitia me ra lai butakoca na bulumakau e na dua na loga ni lenitili, era qai veidroyaki na tamata mai vei ira na kai Filisitia. 12 A qai tu mai o koya e na lomadonu ni iteitei me vueti ira na bulumakau, ka ravuti Ira na kai Filisitia; o Jiova (Yahweh) a qai cakacakataka e dua na qaqa vakaitamera e na ligana.

2 Samuela 23:8-12;

Na nona ivalavala ni dua na tamata e savasava e matana ga o koya; ia o Jiova e vakasalataka mai na sala me muria. 03 Nuitaka na nomu cakacaka vei Jiova (Yahweh) o koya e na qai vakataudeitaka na yavu ni nomu vakasama.

Vakaibalebale 16:2-3

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
115.	April 25	2 Samuela 13-14	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Vakarabailevutaka na Nona Vanua o Isireli (Israel Widen her Territories)

Thought: Gaining In Life: You Can ,If Yahweh Is With You.

.................................

Serving For The 24^th April, 2010

A qai yaco ni oti oqo, ni a valuti ira na kai Filisitia o Davide ka vakadrukai ira; o Davide a qai tauri Ramaciqema mai vei ira na kai Filisitia. 02 Oti qai vakadrukai ira na Moabaiti, vqai vesuki ira e na dela ni qele, qai vakarautaki ira e na dua na dali ni ivakavakarau; a vakarautaka e rua na iyatu me ra na vakamatei, kei na dua na iyatu taucoko me ra vakabulai tiko. Era qai yaco me ra dauniveiqaravi vei Davide o ira na Moabaiti, me ra dau kauta mai vua na ivakacavacava. 03 A qai vakadrukai ira na Hadaresa, na luvei Rehobo na tui Soba, ni toso o koya me lai taura ka lewa na uciwai o Uferetisi. 04 A qai taura mai vua, o Davide, e duanaudolu vitunadrau na qiqi ni ivalu kei na ruasagavulu na udolu na sotia dau taubale; e a vakarusa kece na qiqi ni ivalu o Davide vakavo ga e duanadrau na qiqi ni ivalu. 05 Ia ni ra mai vukei Hadaresa na tui Soba o ira na Edomaiti kei ira na Arameani mai Damasiko, o Davide a qai ravuta e ruasagavulu ka rua na udolu na tagane vei ira na Edomaiti. 06 A qai biuti ira na Kovana me ra tiko mai Edomi kei Damasiko; ia o ira na Edomaiti era a qai dau veiqaravi vei Davide ka dau sauma mai na ivakacavacava. A taqomaki Davide tiko o Jiova (Yahweh) e na veivanua kece e dau lako kina..

2 Samuela 8:1-6

Vakarabailevutaka na vanua ni nomu valelaca, ka dedeka yani na ilatilati ni nomu itikotiko; kakua ni manini, vakabalavutaka yani na nomu dali, ka vakaukauataka na duru ni ivakadre ni nomu valelaca;

Aisea 54:2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
114.	April 24	2 Samuela 10-12	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Same Ni Vakamolimoli (Psalms of Praise)

Thought: The Habitation Where Yahweh dwells, is Where Praises are Sung

Serving for the 23^rd April, 2010

Lagata vei Jiova (Yahweh) e dua na sere vou; baleta e sa cakava na veika totoka vakaoti o koya; Na ligana (hand) i matau kei na ligana (arm) savasava, sa kauta mai vua na qaqa. 02 O Jiova (Yahweh) sa vakatakila na nona veivueti; na Nona yalododonu sa vakaraitaka i matadra o ira era dau lotutaki matakau. 03 E sa vakananuma lesu o koya na nona yalololoma kei na nona dina vei ira na yavusa Isireli; o ira kece e na iyalayala kei vuravura era sa raica na veivueti ni noda Kalou (Elohim).

04 ¶ Vakamolimoli vei Jiova (Yahweh), vuravura taucoko; vakayaco marau, lagasere ka cabora na vakavinavinaka. 05 Lagasere vei Jiova (Yahweh) vata kei na api; ia vata kei na api na domo ni matasere. 06 E na domo ni biukila cabora na vakamolimoli e na mata i Jiova (Yahweh) na Tui. 07 Laiva na wasawasa me vadugu, vata kei ira era vakasinaita tu na vuravura kei ira era kece era vakaitikotiko kina.

Same 98:1-7.

O Jiova (Yahweh) ne noqu kaukaua ka noqu sere, ka sa yaco me noqu ivakabula. 15 A domo ni mamarau kei na veivueti e tiko e na nodra valetabatabanikau na yalododonu; na liga i matau i Jiova (Yahweh) e dau gugumatua.

Same 118:14-15

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
113.	April 23	2 Samuela 7-9	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Vakasukai Na Kato (The Ark Restored)

Thought: Yahweh’s Rightful Place In Us, Must Be Maintained At All Times

............................

Serving For the 22^nd April, 2010

A qai tukuni vei Tevita na Tui; O Jiova (Yahweh) sa vakalougatataki Oba-idomi kei na veika kece e taukena o koya, e na vuku ni kato ni Kalou (Yahweh). Sa mani lako o Tevita qai lai kauta cake mai na kato ni Kalou (Yahweh) mai na vale nei Oba-idomi me kauta i na koro i Davide e na yalomamarau.13 A qai yaco ni ra sa kalawa oti vakaono o ira era colata tiko na kato ni Kalou (Yahweh), ni a cabora e dua luve ni bulumakau levulevu o Tevita. 14 O Davide a qai rubica na lagasere ni vakamolimoli e na mata i Jiova (Yahweh) e na nona igu taucoko; o Davide a daramaka tu e dua na efodi lineni. 15 Oti era qai kauta mai, o Davide kei ira keve na matavuvale i Isireli, na kato i Jiova (Yahweh) e na kaikaila kei na domo ni biukila. 16 Ia ni sa toso sivia mai na vale i Davide na kato i Jiova (Yahweh), o Malajeli na luve i Saula yalewa e rai tu mai na katubaleka, qai raici Davide na Tui ni mamarau tiko ka meke tiko mai e na mata ni kato i Jiova (Yahweh); qai tubu na nona sevaki koya e vuniyalona.17 Era qai kauta mai i loma na kato i Jiova (Yahweh), ka tauca e loma ni valelaca sa birika oti tu o Davide me na mai tu kina: oti qai vakacabora o Davide e dua na isoro kama kei na isoro ni tiko veisaututaki e na mata i Jiova (Yahweh).

2 Samuela 6:12-17

Laivi ira na yalododonu i Jiova (Yahweh) me ra tauca na nodra vakavinavinaka Vua, baleta na Nona yalololoma sa biuta tu vei ira na luve ni tamata! 22 Cabora vua na imadrali ni vakamolimoli ka vakalagilagitaki Koya o kemuni na Nona dauniveiqaravi, baleta ni Nona na veivakurabuitaki.

Same 107:21-22.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
112.	April 22	2 Samuela 4-6	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Kakua Ni vaKalou Tale Ni O Sa Kilai Jiova (Do Not Worship Gods, Once You Know Yahweh)

Thought: Yahweh Is Either Central In Your Life Or Just Forget Him.

....................................

Serving For The 21^st April, 2010

A qai baci vakasoqoni ira vata tale na cauravou ni Isireli o Tevita, era le tolusagavulunaudolu. 02 Sa qai tu o Tevita vata kei ira na kece na tamata era a tiko vata kei koya vei ira na tagane ni Yahuda, era qai lako i Qeba me ra lai kauta cake mai na kato ni Kalou (Elohim), baleta na vanua oya e vakayacani tiko e na yaca i Jiova ni lewevuqa (Yahweh of Hosts), o koya e vakaitikotiko e na kedrau tadrua na kerubimi. 03 Era qai vakavodoka na kato ni Kalou (Elohim) e na dua na qiqi ni usa iyaya vou, mai na vale nei Abinidabe mai Qebiya; o rau o Usa vata kei Ahiya o rau na luvei i Abinidabe, rau qai ulia tiko mai na qiqi ni usa iyaya, ni rau taubaletaka tiko mai muri. 04 Era qai kauta mai na kato ni Kalou (Elohim) mai na vale nei Abinidabe e tiko mai Qebiya, ka liutaka tiko mai na kato o Ahiya. 05 O Tevita kei ira kece na matavuvale nei Isireli era a qai meketaka tiko mai e na mata i Jiova (Yahweh), era qai yaloyalo tiko e na tabataba ni sitari kei na saipurusi, ka qiria tiko mai na api, na soliteri, kei na tibereli, na biukila kei na simibali.

06 ¶ Ia ni ra sa yaco mai e na buturara ni samusamu, o Usa a qai dodoka yani na ligana me taura tu na kato ni Kalou; baleta ni a tasere na na ivesu ni bulumakau adru. 07 A qai tubu na cudru i Jiova vei Usa; qai mokuti koya o Jiova (Yahweh) e na gauna vata ga oya, baleta a dodoka na ligana me taura na kato; a mani mate sara no ga e keya o koya, e na yasa ni kato ni Kalou (Elohim).

2 Samuela 6:1-7.

E na noqu masu kece e na vukumuni, au dau vakatakekere e na yalomamarau, 05 baleta na nomuni veitokani e na qaravi ni ituku­tuku vinaka mai na imatai sara ni siga me yacova mai oqo, kau dau nuidei tu e na ka sara ga oqo, ni o Koya e a tekivuna na cakacaka vinaka oqo e na kemuni maliwa, o koya talega e na tosoya tiko me yacova na siga ni noda Turaga o Jisu (Yahshua) na Mesaia.

Filipai 1:4-6.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
111.	April 21	2 Samuela 1-3	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.