O Tui Yo’asha (King Yo’ash)

Thought: System Was Changed When Funds Was Not Going To Its Intended Purposes

 ....................

Serving For Yom Ri’vi’i, Kislev 21, 5773

MAI NA NEVI’IMI RISHONIMI (FROM THE NEVI’IM RESHONIM)

O Yo'asha e a yabaki vitu tiko e na gauna a veiliutaki kina vakatui. 2(1) E na ikavitu ni yabaki i Yehu, o Yo'asha a tekivu me veiliutaki kina vakatui; a veiliutaki vakatui o koya me vasagavulu na yabaki. mai  Yerushalayimi. Na yaca i tinana o Ziviya, mai Bia-Sheva. 3(2) O Yo'asha a cakava na ka e donu e na mata i Yahuwe (YHWH) e na dela ni nona gauna taucoko, ni a vakatavulici koya kina o Yo'hoyada na kohena. 4(3) Ia na valenisoro ni kaloumatakau era a sega ni kau laivi;  o ira na tamata era a vakacabo isoro ka vakama na ka boi kamica e na tikina cecere oqori.

5(4) ¶ O Yo'asha a qai kaya vei ira na kohanimi, Na ilavo kece me baleta na veika vakatabui e kau mai i na vale i Yahuwe (YHWH), bau kina na ilavo era solia na tamata yadua me baleta na vakabulai ni nodra bula (soul),  na ilavo ni tamata yadua sa wili, kei na ilavo  e  lomadra na tamata yadua me ra kauta mai i na vale i Yahuwe (YHWH),  6(5) Laivi ira na kohanimi me ra dui ciqoma mai ligadra o ira e lomadra me ra solia; qai laivi ira me ra vakayagataka e na kena vakavinakataki na vale, e na yasa ni vale cava ga e laurai ni sa kabasu tu. 7(6) Ia a qai yaco, ni lai yaco e na ikaruasagavulu ka tolu ni yabaki i Tui Yo'asha, ni ra a sega ni vakavinakataka o ira na kohanimi na veitiki ni vale era kabasu tu. 8(7) O Tui Yo'asha a qai kacivi Yo'hoyada na kohena kei ira na vo ni kohanimi, qai kaya vei ira, Na cava na vuna oni a sega ni vakavinakataka tiko kina na veiyasa ni vale era sa kabasu tu?   Me tekivu qo moni kakua tale ni ciqoma na ilavo mai vei ira era dau solia vei kemuni, ia me soli vakadua i na kena vakavinakataki na vale. 9(8) Era mani vakadonuya na kohanimi, me ra sa kakua ni ciqoma na ilavo mai vei ira na tamata, se me ra vakavinakataka na veitikini vale era sa kabasu tu. 10(9) Ia o Yo'hoyada na kohena, a qai kauta na kato (ni ilavo), qivaa e dua na qara e na kena isogo, qai viritura toka e na yasa ni icabocabo ni isoro, oya e na yasana imatau, ni dua e curu yani i loma ni vale i Yahuwe (YHWH); o ira na kohanimi era dau yadrava tu na katuba levu, era dau biuta i loma na ilavo kece era dau kau mai i na vale i Yahuwe (YHWH). 11(10) A qai dau yaco, e na gauna e raica kina ni sa levu na ilavo era vakacuruma i loma ni kato, o koya na vunivola levu ni tui kei na kohena haqadola, rau na qai lako cake mai, rau na mai wilika ka tawatawa e loma ni taga, na ilavo era kune e loma ni vale i Yahuwe (YHWH). 12(11) Era qai solia na ilavo era sa vesuvesu vata tu e loma ni taga, vei ira era cakava tiko na cakacaka, vata kei koya e lesi me qarava tiko na vale i Yahuwe (YHWH); o ira era qai saumi ira na matai kei ira na dau taravale era cakacaka tiko e na vale i Yahuwe (YHWH).

13(12) Vei ira na dautuva vatu,  o ira era dau ta vatu, ka vaka kina na kena voli na kauvaro, kei na vatu sivirawa, me vakayagataki e na kena vakavinakataki na veiyasana era sa kabasu tu e na loma ni vale i Yahuwe (YHWH) kei na veika kece e gadrevi me vakavinakataki kina na vale. 14(13) Ia e sega ni buli e na vuku ni vale i Yahuwe (YHWH) e dua na bilo siliva, na ikoti ni cina, na beseni, na biukila, se na iyaya koula kei na iyaya siliva, mai na ilavo era a kau mai i na vale i Yahuwe (YHWH); 15(14) baleta era solia ga vei ira era cakava na cakacaka, me vakavinakataki kina na vale i Yahuwe (YHWH). 16(15)  Kena ikuri, o ira era a sega ni gadreva, me dua na ivakamacala ni kena vakayagataki na ilavo, mai vei ira e soli vei ira, me ra saumi ira kina na tamata cakacaka; baleta o ira era cakacaka sara ga vakasavasava e na kena saumi na ilavo ni vakavinakataki vale.

M’lakhim Bet (2 Tui) 12:1-16

NA IVAQA NI BULA (FOOD FOR THE SOUL)

Na tamata e vosa veicavilaki baleta na wekana vakaitikotiko, e viria tiko e dua na lawa me na coko kina na yavana. 6 ¶ E dua na tamata ca e na coko ga e na nona ivalavala vakasisila; ia na tamata yalododonu e na lagasere ga ka mamarau. 7 ¶ E dua na tamata yalododonu e na vakananuya na nodra ituvaki ni dravudravua; ia na tamata ca e sega na nona kilaka, me kauwai kina. 8 ¶ O ira na tamata dauveivakalialiai era na vakavuna na kena kama yavu e dua na korolevu e na bukawaqa; ia o ira na tamata vuku era na vukica laivi na leva cecekia.

Mishlei (Vosa Vakaibalebale) 29:5-8

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Mai vei Dawide. Ke a sega mada ni o Yahuwe (YHWH) e mai tu e na noda yasana, e na rawa beka ni mai kaya vaka oqo o Yisira'yili, 2 Ke a sega beka ni totaki keda o Yahuwe (YHWH), ni ra tu cake mai vakaivalu me ra saqati keda o ira na tamata, 3 Ke ra a tilomi keda bulabula beka, ni tubu mai na nodra yalokatakatataki keda, 4 Ke ra a lomoci keda beka e loma ni wai, na uciwai ke drodro vakadua e delada; 5 Ke a lomoci keda vakadua na wai levu.

6 ¶ Me vakacaucautaki o Yahuwe (YHWH), ka ni a sega ni soli i keda o koya me da vakasasataki e na batidra. 7 Na noda bula (soul) sa dro rawa, me vaka na manumanu vuka mai na nodra tudai na daubiri dai; na dai sa kamusu, eda sa vueti.  8 Na noda ivukevuke e tiko e na yaca i Yahuwe (YHWH) o koya e a buli i lomalagi kei vuravura.

Tehellim (Same) 124:1-8

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 339 o/o 1799	December 5, 2012
Reading	Hebrew Date
Dani’yl ( Taniela) 7-8	M #9: Kislev 21, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.